歡迎光臨

Agoda.com 特價酒店訂房連結:
泰國日本台灣韓國馬來西亞新加坡馬爾代夫香港

Booking.com 特價酒店訂房連結:
泰國日本台灣韓國馬來西亞新加坡馬爾代夫香港
HotelClub 酒店預訂

返回列表 發帖

[遊記] [遊記] 泰國布吉&曼谷7D6N之旅 (LONG TIME NO SEE 終極相冊)

泰國布吉&曼谷7D6N之旅 (準備篇)

出發日期: 2008/6/10 - 2008/6/16

行程:
第一日下午由澳門出發, 其餘時間已花了在交通方面, 布吉: 第2~5日, 第5日下午返回曼谷, 曼谷: 第6~7日, 第7日下午返回澳門
布吉是泰國最大的島嶼, 以山丘為主, 有各式各樣不同的水上活動, 由於布吉附近的海域有豐富的海洋生物, 因此亦有不少人專程來到出島玩浮潛, 潛水等, 較少人玩機動性的水上活動, 布吉島亦有很多很靚的沙灘, 由於面對印度洋, 浪比較大, 亦有人到此玩滑浪!!! 另外, 亦有上山的活動, 包括參觀動物Safari, 駕駛越野車ATV, 激流Rafting等活動!!!

布吉旅遊活動詳細介紹: http://www.phuketfans.com/play.html
浮潛/潛水 Local Tour: 陽光旅遊     普吉偉林

而今次到布吉會入住全島最多遊客的巴東區, 無論是吃喝玩樂都比較方便, 不過人就比較多, 想靜的朋友可選擇其他度假式的酒店, 酒店的選擇多不聲數, 由幾千元到幾百元也有, 視乎設備, 級數, 地區等而定. 而食方面以新鮮的海鮮最出名!!
回程順道到曼谷會以購物為主, 行商場, 市集等, 到曼谷買手信選擇比較多, 價錢亦比較相宜!!!

機票:

全程都是乘塔Airasia, 首先是澳門<>曼谷來回機票, 2007年12月推廣期內以優惠價於網上訂購, 連機場稅, 附加費等, 大約MOP$850一位;
另外一程曼谷<>布吉的來回機票亦同樣是乘塔Airasia, 2008年5月推廣期內以優惠價於網上訂購, 連機場稅, 附加費等, 大約MOP$470一位


酒店:
10/6~13/6 (4晚)入住布吉巴東區酒店 Ibis, 不包早餐, 經Agoda網上預訂, 每晚約MOP$330, 亦可於該酒店集團網站預訂, 價錢相約
http://www.accorhotels.com/hotel-directory/gb/asia/thailand/phuket/phuket-hotel.htm


(Ibis 屬於廉價酒店, 此酒店集團為 accor hotel, 是國際性酒店品牌, 各方面質素有一定保證, 不同級數的酒店分別包括 Sofitel, Pullman, MGallery, Novotel, Mercure, Suitehotel, Adagio, Ibis, All Seasons, Etap, Formule 1, Motel 6, Studio 6, Accor Thalassa, 世界各地都均可找到)

14/6~15/6 (2晚)入住曼谷Siam區酒店 Aphrodite Inn 包早餐, 經Agoda網上預訂, 每晚約MOP$600


天氣:
由於是雨季, 港澳連續多日都落大雨, 東南亞地區亦不例外, 雖然沒可能改變天氣, 但都留意天氣報告作好準備, 香港天文台網站很好, 有世界各地的天氣消息http://www.hko.gov.hk/wxinfo/worldwx/index_c.htm



裝備:
玩水上活動點可以少得潛水相機呢! 有專用的防水外殼就當然好, 因為每個按鈕都可以用到, 而且還可潛到40米都不怕入水, 但價錢要千元有多, 而且每個型號的外殼都不同, 換了相機就用不著, 會有點浪費; 而一些較為相宜的相機防水袋, 只要外型設計相約, 大部份的相機都適用, 防水深度約5米, 都已經夠用, 大約$300就有交易, 攝影器材店有售, 其中有個韓國品牌dicapac相關產品比較出名 http://www.dicapac.com/

除相機防水袋, 還可以準備多一個細細個的防水袋跟身, 用來袋電話, 紙幣等, 體育用品店有售!!
喜歡出島玩浮潛的朋友, 亦可以準備一套私家的浮潛鏡及吸管, 因為租借的有時比較簡陋, 甚至會容易入水, 清潔程度就更加比較難講啦!!! 一般體育用品店有售, 布吉當地的大型百貨亦會有售!!!


地圖:
除了買書會附送一大張地圖之外, 其實網上都已有很多現成的Soft Copy, 而且還會詳細劃分每個地區,  比起書本附送的可能還更加清楚, 只要用普通A4紙打印, 一份詳細的地圖集便可DIY完成, 而且比起一大張的地圖更加方便, 亦可存放入PDA手帳電話內, 網上實在有太多啦, 以下介紹一些比較詳細易讀的:


布吉全島地圖及分區地圖:
http://www.thaiwaysmagazine.com/phuket_map/phuket_map.html
http://www.thailandmaps.net/phuket/phuketmap.html
http://www.phuket-maps.com/


曼谷全市地圖及分區地圖:
http://www.thaiwaysmagazine.com/bangkok_map/bangkok_map_metro.html
http://www.thailandmaps.net/bangkok/bangkok_map/central_bangkok.html
曼谷全市中文版超高清地圖:
http://www.tattpe.org.tw/map/images/Bangkok.jpg

準備好地圖, 當然不少得一個指南針, 由於是第一次去布吉, 初到陌生地一定缺乏方向感, 容易行錯方向呢!!!

旅遊資訊:
除了地圖外, 有不少旅遊書籍, 網站, 論壇等都提供很多旅遊資訊, 非常值得參考
泰國觀光局網站, 內有中英文對照地圖及泰國各地的旅遊資訊,
http://www.tattpe.org.tw/
還更加有免費的旅遊電子書可供閱讀, 真是連書都不用買了, 連這些細節都照顧到, 可見泰國官方推廣旅遊真是不遺餘力!!!
http://www.tattpe.org.tw/ebook/index.php?page=list.htm

另外, 有幾個為中港澳台旅遊大士熟悉的網站, 可以找到大量別人的遊歷經驗, 以及提供互相討論的平台!!!
泰友營: http://www.thailandfans.com/
泰國自遊易: http://www.ec2thailand.com/
背包客棧: http://www.backpackers.com.tw/forum/

保險:
最後, 旅遊保險當然不能缺少啦, 有時不幸delay多個小時甚至更長時間, 這份百多元的旅遊保險就非常有用了!!! 頭暈身熱止

WA.....睇黎你係旅遊書作者來喎
....等你d 大作呀

TOP

d 資 料 好 詳 細 豐 富!

TOP

我唔係旅遊書作者呀, 只係睇得人地的遊記多, 加上自己搜集下資料, 所以分享比各位參考下啦..

TOP

原帖由 fantasy 於 2008-7-11 12:54 AM 發表
我唔係旅遊書作者呀, 只係睇得人地的遊記多, 加上自己搜集下資料, 所以分享比各位參考下啦..

總之就有心啦....入正肉未呀

TOP

2008/6/10 (Day1~泰途上)



預早約一小時到達機場, 辦理機票check in手續, 之後就入閘,  飲品, Hand Cream等物品都是不准手提攜帶過關, 所以都是檢查好先啦. 澳門機場很細, 入閘後沒什麼東西好吃好買, 所以我一般都會外邊吃飽才到機場, 之前都看過有人在網上批評澳門機場入閘後買支水也很貴, 食店質素差, 跟本沒有考慮過真正旅客所須等等...,  我自己身為本地人可能少考慮這些問題, 不過轉個角度來看又幾有道理, 希望日後可以有所改善!!! 沒什麼好做, 反正是等, 影幾張到此一遊照算吧!!!



Airasia 為一間廉價航空公司, 該公司由澳門出發暫時有四個目的地, 分別是曼谷, 吉隆坡, 亞庇(沙巴), 新山(近新加坡), 古晉(砂勞越), 而今次就會於曼谷即日轉飛布吉. 一般於優惠期預訂的機票可以比正價平三分一甚至更多, 所以我通常都會優惠期預訂, 由於是廉價航空關係, 通常都會使用最後的閘口自行登機的, 即是可以近距離見到飛機那種, 通常外交人員的專機都是這樣呢, 哈哈, 幸好沒有落雨啦!!! 並且沒有提供飛機餐, 但可於機上購買, 價錢比起機場候機處應該更合理一點吧!!



原定時間為16:40 澳門起發, 18:20到達曼谷國際機場, 結果都幾準時啦. (泰國與香港/澳門/中國/新加坡/台灣等地慢一個小時)



曼谷有兩個機場, 一個是前曼谷國際機場 Don Mueang Airport, 現改為內陸機場, 而新的國際機場為Suvarnabhumi Airport, 2006年才正式啟用, 客運大樓有563000平方米大, 詳細介紹可參考泰友營資料及維基百科:

http://www.thailandfans.com/roadre20070113.html

http://zh.wikipedia.org/wiki/%E6%96%B0%E6%9B%BC%E8%B0%B7%E5%9C%8B%E9%9A%9B%E6%A9%9F%E5%A0%B4



每間航空公司都有幾十個固定的Counter辦理Check In手續, 雖然已經有很多服務櫃台, 但有時旅客太多, Check In都要大排長龍呢, 所以走的時候都要提早點來呀!!!
雖然是同一機場轉機到布吉, 但由於不是由航空公司安排轉機, 只是自己安排到下一個目的地, 所以都是同樣要出閘入境取行李, 與一般去曼谷沒有分別, 所以為保險, 已經預多了時間, 選擇下一班機 21:20 才起飛出發去布吉, 辦理完入境手續還有兩小時多, 好在曼谷機場很大, 首先是換了一些泰幣(Baht), 當日HK$1可換4.13Baht.



之後買張當地的電話SIM卡, 6點幾係時候要找食店醫肚啦, 食店有很多, 價錢有貴有平, 但都很少幫襯, 所以都是看看門口有什麼合心水就走去試做白老鼠, 結果間食店的份量很少呀, 而且價錢都唔平, 算啦, 機場就是這樣的, 簡簡單單就吃完了一餐, 掛住食忘記了影餐飯啊~~ 之後就周圍行手信店, 拍下到此一遊照啦!! 泰國有間Health Care連鎖店Boots很出名的, 很多地方都有分店, 機場也有, 如果朋友托買什麼藥膏都應該可以在此找到, 而且價錢亦比較相宜!!!







其實時間還很早, 還可趕乘早一班機去布吉, 但問過 Check In Counter 的姐姐, 結果都是不能提早上機, 要行的地方都七七八八啦, 唯有入閘看其他的舖頭啦!!! 不過有些不詳的預感呀, 因為現時即將起飛往布吉的班機已經delay了時間, 或者我搭班機都會delay呢, 而且還不停地落大雨呀~~~



由於係飛內陸 (Domestic), 跟國際航班的通道不同, 所以過關好快, 基本上Show個passport就可通過啦, 但原來內陸機入閘後只得幾間店舖, 沒什麼好行啦, 買罐汽水飲還可以的





時間一分一秒地過去, 不過最令人驚訝的, 就是看著華麗的LCD顯示屏, 我乘搭班機不停地delay, 由21:20 delay 到 22:10....等了很久還未到呢, 所有顯示的資訊都不是準確的, 應該是天雨關係, 外邊還不停地落大雨呀, 都已算好采, 因為bangkok airway飛往蘇梅(Koh Samui), 布吉(Phuket)的班機都相繼取消了, 暫時還未看到Airasia的要取消, 應該在布吉已起飛了啦, 希望可以順利啦~~





結果終於收到消息, 22:40 將會起飛, 其實這正是原定預計到達布吉的時間, 現在變了起飛時間, 都真有點失了預算啦, 冇辦法, 天雨關係, 很多航班都要 delay, 一班接一班小小的延誤, 就會變成很大的失誤, 所以都不能責怪任何一方呢, 遲到總好過無到啦~~~



結果大約晚上12點才到達布吉國際機場, 由於內陸航班, 同樣好快便步出閘口, 看起來客運大樓比澳門機場細, 有很多免費地圖可供索取的, 當然要拿一份參考啦!!





取了行李一出門口就是的士站, 這個時間還有很多的士正在候客呢!!! 隨便選了一部講好價就開車了!! 的士只是一部普通的日本私家車, 沒有咪錶, 只是申請了可作為載客車而已, 價錢方面參考過網上別人的經驗, 到巴東區大約是500Baht, 司機叔叔開價好像大約是800還是600Baht, 不過我都企硬要500Bath最後成功, 而布吉的士不看咪錶, 全部是上車前講價. 途中與司機叔叔有傾有講, 主要以英文溝通, 布吉當地人的英文很好呀, 大部份基本的對答都OK, 據了解是因為太多外國遊客, 所以每日都會接觸英語, 自然就好易學會啦. 反而曼谷就以本地人為主, 的士司機都並非接觸太多外國遊客, 所以亦比較少機會用英文溝通. 之後還約了第二日包部車一日8小時環島遊, 都是參考了網上別人的經驗, 1000Baht, 以這個價錢幾個人租部車玩都算OK啦, 都是要和司機講價, 企硬便可以了!!! (其實網上有部份人還更加平呢)





布吉機場離巴東區都很遠, 大約45分鐘 ~ 1小時車程, 出名的酒店司機當然會識路啦, 但這間 Ibis 我不敢話沒有名氣, 因為 accor hotel 集團內有很多高級的知名酒店, 司機叔叔都識路的, 可能這間是年中新開業吧, 而且並非位於巴東的中心地帶啦. 幸好已一早準備了地圖, 酒店大約的位置已經知道, 司機在附近找了一陣便見到 Ibis Hotel !!! 不過這時還不時下著很大雨, 唉, 唯有說句導遊朋友老生常談的話: 貴人出門招風雨~~!!!
司機服務態度很好, 駛到酒店大堂門口, 避免我們濕身, 還幫手搬行李, 看來比起澳門的好很多啊!!! 走時還跟我, Thank you, Say Goodbye, See you tomorrow morning~~~!!

已大約1點才到達酒店 Check IN, 雖然落大雨, 不過來到這間酒店, 給我的印象又不錯啊, 服務態度很友善, 環境很好, 地方很整潔, 之後乘電梯上房, 很出奇有隻青蛙在旁邊, 不知是在等電梯還是入來避雨呢!!!







入到房間感覺都不錯, 有LCD電視, 有個小露台, 保險箱, 雪櫃, 有兩條毛巾可帶出去沙灘使用, 每日有兩條水免費等, 同時有WiFi無線上網免費使用, 但沒有試用過, 暫時還是不詳細介紹這間酒店, 因為已很夜, 不是睡覺, 是要醫肚呢, 放下行李後, 唯有冒著大雨走出外邊看看有什麼好吃, 走出酒店附近看來沒什麼好東西, 幸好離不遠有間便利店, 走入去買了杯面, 回酒店食飽, 洗澡後便好好睡了一覺!!!


第一天完...(預告: 第二天~Ibis Hotel 詳細報告~租車環島遊~)

TOP

好似我計劃既行程啊,我訂既系零機票,不過我系明年二月先出發,應該少左落雨呢個環節,但系酒店價錢就貴左吾少~~~
2008.1.21--27蜜月行首戰泰國,2009.2.23-3.1組8人團再戰泰國,2010.9.23-27組7大1細團首戰沙巴,2013.2.13-18一家三口再再戰泰國,2014.9.13-20組14大2細團再再再戰泰國

TOP

介紹得好詳盡...有心有心!!!

TOP

   巧多巧有用既info呀!

TOP

好有 的遊記, 我會一直支持你

TOP

超正遊記一篇 !!!!!

TOP

旅遊天書一樣 ~ You're a real pro
皺眉只因放不下, 歡顏在於看得開

TOP

經Agoda 訂房,記得申請做會員,因為每次訂房可獲得相等於4-7%房價積分回饋,變相下次訂房又可打折扣,甚至免費住宿。
多謝支持~~~我會繼續努力寫好整份遊記~~~我的目的係希望寫一份對尼個地方完全陌生的人, 都可以睇得明, 睇得通的遊記呢~~~

TOP

good ideal.....支持, 支持

TOP

呢度真係自由易....出POST都自由D~

連蕃薯網都可以直接出LINK... 係佢果便, 同一篇文章, EC2 直情係消失左!!!

TOP

返回列表